以老帶新

斯 雨

    以老帶新

    巴士新服務模式尙有不足一個月便啟動，交通局主動加強宣傳，增加資訊透明度，自然多人關注和議論。不少駕車人士及居民長年生活在小城，對於交通問題都有一番體會，口水稍多者儼如專家，下午茶時間口水花噴噴，有些問題可能很主觀，甚至尖銳，但肯提意見，怎樣看都是好事。

    老友甲：“多咗一家新巴士公司，請唔夠司機。梗係啦，在繁忙馬路上車多人多，巴士不停埋站出站，旣要盯實路面，又要睇住嘟卡，還要看好乘客上落車，頭都暈。走十幾廿轉，少點體力、專注力都唔掂。”老友乙：“難怪個個跳槽去揸發財巴，點對點唔使埋站，最好係免費，唔使目及實有冇畀錢，人工又唔錯，工作輕鬆好多也。”老友甲：“有經驗巴士司機都走頭啦，剩低多數係有一定年紀，或新入行者，我好擔心服務質素……”老友乙打斷：“擔心行車安全就眞。”老友丙即揷話：“所以話，巴士線點改唔知，交局搞掂啲司機質素先啦，唔係分分鐘又撞車，又走錯路、埋錯站。”

    三老友問斯雨意見。其實，巴士司機與其他行業僱員一樣，都有舊人和新人，有經驗者可以“獨當一面”；但也要予新人工作機會，以熟習環境、吸收經驗，否則永遠都是新人。巴士司機獨自一人出車，行駛中不單要應對路面狀況，更要處理和照顧乘客，一眼關七，新人壓力很大。巴士公司可否初期由站長帶領新人熟悉環境，不單有利新司機快些上手，最重要是增加安全系數也。

    斯  雨