核洩危機手尾長 加強防範免遭殃

　　奸商大發災難財 引搶鹽米明靠害

　　俗語說“福無雙至，禍不單行”，日本卻地震、海嘯、核洩“三及第”，處境惡劣，多災多難。

　　大自然威力無窮，如何科技先進，人類仍難敵摧枯拉朽的天災，生命更形脆弱。

　　地震、海嘯奪去無數生命，難以挽回，民衆悲痛過後，還要生活，重建家園。可核洩手尾長，危害大，除國民唔掂，還會影響至周邊國家，人受輻射，後患無窮。輻射塵若散播海水，魚類受感染，人食後一樣中招；被雨水沖落泥土，牛食草，擠出的會是毒奶，嬰兒飮奶粉衰梗；所種蔬果全含毒素，絕不能吃。水受污染，如飮砒霜。孕婦更慘，生出的嬰兒可能變畸形。

　　曾兩度參觀日本廣島原爆紀念館，看到館內歷史圖片，令人不寒而慄，可用慘絕人寰來形容。原子彈落下之處，鬼哭神號，何止滿目瘡痍，比廢墟還要壞上千萬倍。原子塵殺傷力大，受害者爛口爛面，感染者致癌，死得人多。人們參觀過後，更加祈求世界和平，永遠不再發生世界大戰。

　　日本廿年來經濟低迷，一沉不起，直至近今略有起色，卻受大地震重創，看來三、五年內難復元氣，全球經濟也受拖累。日本電器、攝影器材、汽車製造等都是世界一流，鮑魚、海產亦多上品，此番受挫，出口成疑，令經營日貨生意者受影響。不過，亦有人趁機發災難財，無論食得、搽得及用得之日貨，即時抬價，那管被駡作奸商。內地更有不法者散播謠言，引發搶購食鹽潮，亦有奸商炒賣，囤積居奇，搵折墮錢。居民無知搶鹽，似還慘過日本災民，可見人文素質唔及格，令人唏噓。

　　此次天災引發核危機，對內地而言，亦有一大啟示，凡搞核發電，安全勿睇少，爆大鑊時，便累人累己，何況核電站距離城市這麼近。現時某些落後國家也搞核設施，技術、人才質素成疑，令人擔憂，隔離鄰舍無疑多了個計時炸彈。

　　日本國民敎育好，如此大災難仍能相照應，守秩序，殊為難得，希望災民化險為夷，堅強活下去。更希望世人能珍惜眼前人和物，多關懷，少爭鬥，愛護地球，世界才會眞正美好。

　　羅倫斯