最大車市早顯現

　　外資鬥搵中國錢

　　開拓如打木人巷

　　智者可飮頭啖湯

　　全球汽車最大市場在何處？唔駛講，梗係中國啦。打從改革開放後，外國厰家紛闖中國市場，投資設厰，合資合作，在這二三十年裡，部分歐日厰家先知先覺，飮了頭啖湯，慶幸行得快，好世界。

　　最新世界富豪榜中，亞洲上榜人數首次超越歐洲，被稱為“新富豪工厰”，中國新富豪更大增，可見內地商機無限，連昔日窮到燶的國人也有機會致富，難怪外國人湧來分一杯羹。

　　不少海外及香港企業緊抓商機，早已北上發展，現時在中國大城市，衆多國際知名企業進駐，咁大市場，唔搵中國錢，笨矣，就算損手都要搏，冇名喺這個全球最大經濟體，好冇面者。

　　改革開放初期，中國經驗淺，被人搵笨多，就講外國汽車生產線，大都過氣，出產車輛無疑是舊款，薯得交關，內銷可以，外銷衰梗。畢竟中國人頭腦精靈，被搵笨多，交夠學費，自然搵番轉頭。後上企業來華尋商機，已無從前得心應手，必須平等互利矣。

　　財團英之傑亦北上搞汽車銷售，總部在上海，紹興等地都有點。公司開展業務，當然要搵精英開拓，吾友韋總Victor與港同儕當開荒牛，憑豐富經驗、人生歷練去打木人巷，儘管創業維艱，亦能迎刃而解，業務走上軌道。

　　英之傑在上海銷售的是凌志（內地譯雷克薩斯），紹興等點賣廣州豐田，亦有點售積架、Land Rover等，頗受歡迎。宏益六哥、七哥話早年計劃在內地搞4S店，為不打無準備之仗，亦曾赴滬與韋總交流及取經，後來在番禺開設萬事得4S店，搞得有聲有色。

　　韋總最近回巢再掌日豐業務，講到本澳汽車銷售，佢話歐洲車異軍突起，名牌也生產不少中小型車，緊貼港澳市場，加上歐元貶、日圓升，此消彼長，形成個別車種與日本車價相差無幾，搶走不少日本車生意，業者有壓力，可要諗計。

　　豐田乃日本名牌，呢塊“良田”幾好耕，歷年都是港澳銷量冠軍，現今面對歐洲車“挑戰”，也要開展友好競賽。

　　澳門是福地，澳人身在福中應知福，只要經濟持續向好，唔學某些香港政客搞破壞，咁售乜車都掂矣！

　　羅倫斯